موسم رنگیلے سہانے

May be an image of amaranth
 
اکتوبر گزر چکا نومبر بھی اب پرانا ہو چلا ہے۔ بس ایک مہینہ اور ۔ پھر یہ سال بھی اختتام پذیر ہو جائے گا ۔ وقت کو تو جانو پہیے لگے ہوئے ہیں ادھر سال شروع ہوا اور ادھر ختم ۔ پھر یہ سال بھی کہانی قصہ بن کر رہ جائے گا ۔ رات گئی بات گئی ۔
 
 اکتوبر کا مہینہ بھی خوب تھا رنگوں سے بھرپور بہار دار ۔ درختوں سے رنگوں کی برسات کا موسم۔ زرد پتوں کی پت جھڑ سے تو یوں لگتا تھا گویا گھر کے باغیچے میں سونا برس رہا ہو ۔ پھر تو جیسے لائن لگ گئی ہو ۔ سرخ ۔ نارنجی ہر رنگ اپنی جوبن پر تھا  قدرت کا کارخانہ ۔ سبحان اللہ ۔ 
پھر ادھر نومبر نے سر ابھارا اور لوگ سہم سے گئے لوگوں کا بھی کیا قصور ۔ کینیڈا کی سردیاں ہوتی ہی ایسی ہیں ۔ پندرہ بیس صفر درجہ حرارت سے نیچے تو یہاں روز کا معمول ہے ۔ خیر ہم بندے ہیں ہی سدا کے ناشکرے ۔ زرا سختی برداشت نہیں گرمیوں کے موسم میں کیا کچھ مزے نہیں کئے پکنک پارٹی ۔ سیر سپاٹے ۔ پر طبیعت میں سیر ہونا تو لکھا ہی نہیں ۔ چاہتے ہیں ہر روز عید اور ہر رات شب برات ہو ۔
 
اتار چڑھاؤ تو قدرت کا حسن ہے ۔ یکسانیت تو زندگی کا حسن ہی لے اڑے گی ۔ انتظار جان لیوا ہوتا ہے پر اس کا بھی اپنا ایک لطف ہوتا ہے ۔ ایک عجیب سی لذت ۔ آ نے والے دنوں کے خوابوں میں کھو جانے کا اپنا ایک الگ مزہ ۔
 
موسم سرما کا بھی اپنا الگ رنگ ہے ۔ ہر سمت برف ہی برف ۔ آ سمان سے روئ کے گالوں کی برسات ۔ سڑکیں برف سے سفید ۔ ڈرائیوے پر گاڑیاں برف پوش ۔ گاڑی پر سے برف ہٹا کر سڑک پر نکالنا بھی جان جوکھوں سے کم نہیں ۔
 ویسے ہم انسان سخت جان ہو تے ہیں ۔ ہر موسم  سہار لیتے ہیں اور اس میں سے بھی ہنسنے کھیلنے کے راستے ڈھونڈ نکال لیتے ہیں ۔
 
کینیڈا کی سخت سردیوں میں جب لیک کا پانی جم کر پکی سڑک بن چکا ہوتا ہے ۔ لوگ پانی کی سطح پر ہاکی کھیلتے ہیں ۔ آ ئس فنشنگ کر کے اپنے ارمان نکالتے ہیں ۔
 
آ ج نومبر کی دس تاریخ ہے برفباری کا پہلا روز ہے چار سو درخت عجب بہار دکھا رہے ہیں ۔ سفید پاؤڈر سے ڈھکے ہوئے ۔ سفید پوش ۔ روئ کے گالے درختوں سے لٹکے یوں لگ رہے ہیں گویا کپاس کے پھول بہار دکھا رہے ہوں ۔ قدرت کا ہر رنگ نرالا ہے شکر یا رب العالمین ۔ تیرا شکر ۔
 
اچھا ہوا ہم نے شازیہ کو پچھلے ہفتے بلا لیا ۔ آ ج کل سڑکوں کی حالت ایسی ہے کہ ذرا مشکل ہو تا ۔ ویسے تو ہر موسم میں زندگی رواں دواں رہتی ہے ۔ لوگوں کے کام کب رکتے ہیں پر مل بیٹھنے کے لئے موسم اچھا ہو تو مزہ دوبالا ہو جاتا ہے ۔ خیر یاد سلامت صحبت باقی ۔ زرا موسم دم لے لے تو پھر بیٹھک رکھیں گے انشاللہ ۔
 
ابھی تو گھر میں بیٹھ کر اپنے کمرے سے موسم کا نظارہ کرتے ہیں ۔ ہاتھ میں گرما گرم چائے کی پیالی سامنے کمپیوٹر کھلا ہوا یو ٹیوب پر وقار علی کی غزل ۔
 
نیند کے سرابوں میں 
رات کے اندھیروں میں 
 جھانکتے ہیں جو دل میں 
ایسے چور لمحوں میں
 
ایک تو ہمارا مسئلہ یہ ہے کہ ایک چیز اٹک کر رہ جاتی ہے ۔ اب یہ وقار علی کی غزل اٹک کر رہ گئ ہے ۔ یہی حال کپڑوں کا ہے چار جوڑوں کے پیچھے پڑ جاتے ہیں انہیں کو رگڑ تے رہتے ہیں ۔ چلیں خیر ابھی تو موسم کے مزے لے رہے ہیں چائے کی چسکیاں لے رہے ہیں اوپر سے یہ غزل لگتا ہے کوئی غم نہیں ۔ زندگی گلزار ہے ۔ 

Comments

Post a Comment

Popular posts from this blog

لیڈییز کمپارٹمنٹ

Image
مئی کا آ خر آ خر ہے اور سردی ابھی تک نہیں گئ ۔ کینیڈا کی سردیاں لمبی ہوتی ہیں پر اس سال تو کچھ زیادہ ہی لمبی ہو گئیں ۔ ختم ہو نے کا نام ہی نہیں لے رہیں ۔ صبح سے بارش ہو رہی ہے اس کی وجہ سے موسم مزید ٹھنڈا ہو گیا ہے۔ دو روز پہلے ہلکی سی جیکٹ پہن کر واک کے لئے نکلے تھے ۔ آ ج تو لمبا والا کوٹ لینا پڑا اس کے نیچے سوئٹر اوپر سے اونی مفلر گلویز ۔ باہر نکلنے کا ارادہ کرو تو سب کچھ پہننے میں دس پندرہ منٹ لگ جاتے ہیں۔ پھر چائے پینے کافی ہاؤس جائیں تو سویٹر کوٹ وغیرہ اتارنے میں پانچ دس منٹ رکھ لو پھر کہیں جا کر کہانی شروع ہو تی ہے ۔  یہاں ہر جگہ ہیٹنگ ہوتی ہے یہ بھی ایک بڑی نعمت ہے ۔ جا کر ہلکے پھلکے ہو جاتے ہیں چائے کافی پینے سے پہلے ۔  کافی ہاؤس تک کا سفر بھی بہت حسین بڑا خوبصورت ۔ جگہ جگہ رنگ برنگے خود رو پھول اپنی بہار دکھلا رہے ہیں ۔ درختوں نے ابھی پوری طرح جان نہیں پکڑی ۔ ٹھنڈ کی وجہ سے سبزہ پوری طرح نظر نہیں آ رہا ۔ پھر بھی گھروں کے باہر گرائونڈ میں گھاس سر سبز و شاداب نظر آ رہی ہے ۔ چڑیوں کی چہچہاہٹ سے یوں لگ رہا ہے جیسے کہ فضا میں جلترنگ بکھر گئ ہو ۔ قدرت بھی کیسے کیسے دلفریب م...
Read more

نیل گگن کے تلے

Image
    نہ یہ کینیڈا ہے نہ ٹورنٹو اور نہ ہی ٹم ہارٹن کا کافی ہاؤس۔ یہ ہے لندن انگلینڈ ۔ نیا شہر نیا ملک نیا کا فی ہاؤس ۔ پر ہم ہیں وہی پرانے والے ۔ میرے خیال سے ہمارے نئے پرانے ہو نے سے کوئی فرق نہیں پڑتا ۔ دن تو نیا ہے ۔ صبح نئی اور چمکیلی ہے  اور دل میں نیا دن انجوائے کر نے کی لگن ۔ زندگی ہنس کر گزار نے کے لئے یہی بہت ہے    ہم کینیڈا سے سمندر پار کر کے نارتھ امریکہ چھوڑ کر براعظم یورپ میں داخل ہو چکے ہیں اس وقت انگلینڈ کے دارلخلافہ لندن کے ایک کافی ہاؤس میں بیٹھے کافی سے لطف اندوز ہو رہے ہیں  پلیز یہ مت کہئے گا کہ اس عمر میں کیا کیا شوق پال رکھتے ہیں ۔ بوڑھی گھوڑی اور لا ل لگام ۔ بھئ ہم تو زندگی ہنس کھیل کر گزار نے پر یقین رکھتے ہیں اب آ پ جو بھی کہیں ۔  ہاں تو ہم کہ رہے تھے کہ ہم کافی سے لطف اندوز ہو رہے ہیں ۔ کافی بھی کیا ہے بس کافی کے نام پر دھبہ ۔ ہم کافی کے بلکل بھی شوقین نہیں یہ تو بس وقت گزاری کے لئے ایک بہانہ ہے ۔ ذرا سی کافی میں۔ بہت سارا گرم پانی اور کریم ملا کر سامنے رکھ کر ذرا ذرا سی چسکیاں لیتے رہتے ہیں گھنٹے دو گھنٹے بڑے آ رام سے گزر جاتے ہ...
Read more

مکھڑے پہ سہرا ڈالے

Image
    ہم بھی جب کچھ کرنے کو نہیں ہو تا تو جھٹ کمپیوٹر کھول کر   بیٹھ جاتے ہیں اور پھر یو ٹیوب ژندہ باد ۔ کچھ نہ کچھ دیکھنے سننے کو مل ہی جاتا ہے ۔ اب اس وقت خدا جانے کیسے یہ بھولا بسرا گیت ہاتھ لگ گیا ۔ یقین جانیں اس میں ہمارا کوئی عمل دخل نہیں ۔ ہم تو بس انگلیاں گھمارہے ہوتے ہیں اور کوئی نہ کوئی پرانا گیت ٹکرا جاتا ہے پھر کون کمبخت ہوگا جس کا سننے کو جی نہ کرے   تو جناب اس وقت ہاتھ لگ گیا یہ گیت اور ہم  ماضی کے جھروکوں میں جھانکنا شروع ہو گئے ۔  ایک تو یہ ماضی نظروں سے اوجھل ہوتا ہی کب ہے۔  ذرا دیر کو نظروں سے اوجھل ہو بھی جائے تو کہیں آ س پاس ہی دبک کے بیٹھا ہوتا ہے اور ہم کچھہ دیر کو سکون کی سانس لے لیتے ہیں کہ چلو جان چھوٹی پر ماضی سے کس کی جان چھوٹی ہے یہ کب جان چھوڑ نے والا ہے ۔ وہ تو زندگی کے ساتھ ساتھ رہتا ہے قدم سے قدم ملا کر ۔  ذرا نظر چوکی اور سامنے آ کھڑا ہو آ  ۔ حلق کا داروغہ بن کر ۔ حلق کا داروغہ ہی کہنے کو جی کرتا ہے اسے ۔ جب سامنے آ کھڑا ہوتا ہے تو اپنا آ پ بھی بھول بھال جاتے ہیں اور لگتے ہیں ماضی کی راکھ کریدن...
Read more