زندگی کی کتاب

 No photo description available.

 

آ ج ہمیں بیٹھے بٹھائے جانے کیا سوجھی سوچا کہ زندگی کی کتاب کو صفحہ در صفحہ کھنگالتے ہیں ۔ دیکھتے ہیں کہ بھلا کیا کھویا کیا پایا ۔ اب تو ہماری زندگی کی کتاب بھی خاصی دبیز ہو چکی ہے ۔ خاصا وقت لگے گا اس کتاب کے اوراق الٹنے پلٹنے میں ۔ 

ہم انجانے میں ہر روز اس میں بہت کچھ لکھتے جاتے ہیں ۔ آ ج خدا جانے زندگی کی کتاب پڑھنے کا خیال کہاں سے دماغ میں سما گیا ۔ ہو نہ ہو یہ سب ہمارے دل کا کیا دھرا ہے ۔ ہمیشہ کچھ نئی سوجھتی ہے اسے ۔ 

پہلا چیپٹر بچپن کا تھا ۔ حسین خوبصورت جگ مگ کرتا ۔ اس کو پلٹنے کو دل ہی نہیں کر رہا تھا ۔ بڑی مشکل سے دل پر پتھر رکھ کر آ گے بڑھے ۔

 اگلا چیپٹر اس سے بھی زیادہ حسین ہو نا چاہیے تھا ۔ ساری کہانیاں جوانی میں ہی تو ظہور پذیر ہوتی ہیں ۔ لوگوں سے سنا ہے کہ یوں جانو جیسے کہ پریوں کے دیس میں پھر رہے ہوں ۔ دن رات یوں گزرتے ہیں کہ خبر ہی نہیں ہوتی کب صبح ہوئ کب شام۔ دن عید رات شبرات ۔ جی کرتا ہے زندگی یہیں رک جائے ۔ 

ہمیں کیا پتہ یہ سب تو سنی سنائی ہے ۔ جانے وہ کیسے لوگ تھے جن کو پیار کے بدلے پیار ملا ۔ ہم نے تو جب کلیاں مانگیں کانٹوں کا ہار ملا ۔ خیر یہ بھی نری زیادتی ہے۔ اور کہانی قصہ ہی ہے ۔ 

نہ تو ہم نے کلیاں مانگیں اور نہ ہی ہمیں کانٹوں کا ہار ملا ۔  ہم تو سارے وقت اماں کی نظر وں کے حصار ہی میں رہے ۔ اماں کی کڑی نگرانی سے امان ملتی تو ہم کچھ مانگتے ۔ 

ہم نے تو حالات دیکھتے ہوئے خود ہی ہار مان لی تھی اور اپنے آپ سے سمجھوتہ کر لیا تھا ۔ کہ یہ پیار ویار اپنے بس کی بات نہیں ۔ بس خیر اسی میں ہے کہ سیدھی طرح سے ۔ 
ما ں باپ جہاں کہتےہیں شادی کر لو ۔ ہم اسی میں خوش تھے ۔ 
بہت پہلے کی بات ہے ہمیں اچھی طرح یاد ہے ہمارا میٹرک کے حساب کا پرچہ تھا ہم اسکول سے آ نے کے بعد ابا میاں کو اس کی رپورٹ دے رہے تھے ۔ انہوں نے ہماری بات پر دھیان دینے کے بجائے کہا کہ یہ پرچہ تو ہو چکا اب آ گے کی تیاری کرو ۔ 
پتہ نہیں وہ کون سی گھڑی تھی ۔ ہم نے وہ بات پلے سے باندھ لی ۔ ورنہ ہم تو بس ایک کان سے سنا اور دوسرے سے نکالنے کے عادی تھے ۔ 

یہ بات ایک سنہرے حروف کی مانند ہماری ساری زندگی کے لئے ایک مشعل راہ ثابت رہی۔ ہم نے زندگی میں کبھی پیچھے مڑ کر نہ دیکھا ۔ جو مل گیا سو مل گیا ۔ جو نہیں ملا اسے بھول جا۔ کے اصول پر گامزن رہتے ہوئے زندگی گزاری 
یقین جانیں بڑا کارا مد نسخہ ہے زندگی گزارنے کا ۔ بڑے مزے کی گزرتی ہے ۔ 
ہم نے زندگی کی کتاب تہ کر کے رکھ دی ۔ ہم بھی کس چکر میں پڑ گئے۔ جو گزر گیا اسے بھول جا ۔ آ ج کی گزارنے کا سوچیں۔ کہیں پڑھا تھا 

پیچھے مڑ کر دیکھو گے تو پتھر کے ہو جاؤ گے ۔ سو فیصد درست ہے ۔ ابا میاں نے سچ کہا تھا وہ تو ہو چکا ۔ آ گے کی فکر کرو ۔

Comments

Post a Comment

Popular posts from this blog

لیڈییز کمپارٹمنٹ

Image
مئی کا آ خر آ خر ہے اور سردی ابھی تک نہیں گئ ۔ کینیڈا کی سردیاں لمبی ہوتی ہیں پر اس سال تو کچھ زیادہ ہی لمبی ہو گئیں ۔ ختم ہو نے کا نام ہی نہیں لے رہیں ۔ صبح سے بارش ہو رہی ہے اس کی وجہ سے موسم مزید ٹھنڈا ہو گیا ہے۔ دو روز پہلے ہلکی سی جیکٹ پہن کر واک کے لئے نکلے تھے ۔ آ ج تو لمبا والا کوٹ لینا پڑا اس کے نیچے سوئٹر اوپر سے اونی مفلر گلویز ۔ باہر نکلنے کا ارادہ کرو تو سب کچھ پہننے میں دس پندرہ منٹ لگ جاتے ہیں۔ پھر چائے پینے کافی ہاؤس جائیں تو سویٹر کوٹ وغیرہ اتارنے میں پانچ دس منٹ رکھ لو پھر کہیں جا کر کہانی شروع ہو تی ہے ۔  یہاں ہر جگہ ہیٹنگ ہوتی ہے یہ بھی ایک بڑی نعمت ہے ۔ جا کر ہلکے پھلکے ہو جاتے ہیں چائے کافی پینے سے پہلے ۔  کافی ہاؤس تک کا سفر بھی بہت حسین بڑا خوبصورت ۔ جگہ جگہ رنگ برنگے خود رو پھول اپنی بہار دکھلا رہے ہیں ۔ درختوں نے ابھی پوری طرح جان نہیں پکڑی ۔ ٹھنڈ کی وجہ سے سبزہ پوری طرح نظر نہیں آ رہا ۔ پھر بھی گھروں کے باہر گرائونڈ میں گھاس سر سبز و شاداب نظر آ رہی ہے ۔ چڑیوں کی چہچہاہٹ سے یوں لگ رہا ہے جیسے کہ فضا میں جلترنگ بکھر گئ ہو ۔ قدرت بھی کیسے کیسے دلفریب م...
Read more

نیل گگن کے تلے

Image
    نہ یہ کینیڈا ہے نہ ٹورنٹو اور نہ ہی ٹم ہارٹن کا کافی ہاؤس۔ یہ ہے لندن انگلینڈ ۔ نیا شہر نیا ملک نیا کا فی ہاؤس ۔ پر ہم ہیں وہی پرانے والے ۔ میرے خیال سے ہمارے نئے پرانے ہو نے سے کوئی فرق نہیں پڑتا ۔ دن تو نیا ہے ۔ صبح نئی اور چمکیلی ہے  اور دل میں نیا دن انجوائے کر نے کی لگن ۔ زندگی ہنس کر گزار نے کے لئے یہی بہت ہے    ہم کینیڈا سے سمندر پار کر کے نارتھ امریکہ چھوڑ کر براعظم یورپ میں داخل ہو چکے ہیں اس وقت انگلینڈ کے دارلخلافہ لندن کے ایک کافی ہاؤس میں بیٹھے کافی سے لطف اندوز ہو رہے ہیں  پلیز یہ مت کہئے گا کہ اس عمر میں کیا کیا شوق پال رکھتے ہیں ۔ بوڑھی گھوڑی اور لا ل لگام ۔ بھئ ہم تو زندگی ہنس کھیل کر گزار نے پر یقین رکھتے ہیں اب آ پ جو بھی کہیں ۔  ہاں تو ہم کہ رہے تھے کہ ہم کافی سے لطف اندوز ہو رہے ہیں ۔ کافی بھی کیا ہے بس کافی کے نام پر دھبہ ۔ ہم کافی کے بلکل بھی شوقین نہیں یہ تو بس وقت گزاری کے لئے ایک بہانہ ہے ۔ ذرا سی کافی میں۔ بہت سارا گرم پانی اور کریم ملا کر سامنے رکھ کر ذرا ذرا سی چسکیاں لیتے رہتے ہیں گھنٹے دو گھنٹے بڑے آ رام سے گزر جاتے ہ...
Read more

مکھڑے پہ سہرا ڈالے

Image
    ہم بھی جب کچھ کرنے کو نہیں ہو تا تو جھٹ کمپیوٹر کھول کر   بیٹھ جاتے ہیں اور پھر یو ٹیوب ژندہ باد ۔ کچھ نہ کچھ دیکھنے سننے کو مل ہی جاتا ہے ۔ اب اس وقت خدا جانے کیسے یہ بھولا بسرا گیت ہاتھ لگ گیا ۔ یقین جانیں اس میں ہمارا کوئی عمل دخل نہیں ۔ ہم تو بس انگلیاں گھمارہے ہوتے ہیں اور کوئی نہ کوئی پرانا گیت ٹکرا جاتا ہے پھر کون کمبخت ہوگا جس کا سننے کو جی نہ کرے   تو جناب اس وقت ہاتھ لگ گیا یہ گیت اور ہم  ماضی کے جھروکوں میں جھانکنا شروع ہو گئے ۔  ایک تو یہ ماضی نظروں سے اوجھل ہوتا ہی کب ہے۔  ذرا دیر کو نظروں سے اوجھل ہو بھی جائے تو کہیں آ س پاس ہی دبک کے بیٹھا ہوتا ہے اور ہم کچھہ دیر کو سکون کی سانس لے لیتے ہیں کہ چلو جان چھوٹی پر ماضی سے کس کی جان چھوٹی ہے یہ کب جان چھوڑ نے والا ہے ۔ وہ تو زندگی کے ساتھ ساتھ رہتا ہے قدم سے قدم ملا کر ۔  ذرا نظر چوکی اور سامنے آ کھڑا ہو آ  ۔ حلق کا داروغہ بن کر ۔ حلق کا داروغہ ہی کہنے کو جی کرتا ہے اسے ۔ جب سامنے آ کھڑا ہوتا ہے تو اپنا آ پ بھی بھول بھال جاتے ہیں اور لگتے ہیں ماضی کی راکھ کریدن...
Read more