نیلا آ سمان

 May be an image of twilight, mountain and nature

 

 نومبر کی سات تاریخ ہے نئے سال کے شروع ہونے میں چند ہفتے رہ گئے۔ لوگ نئے سال کے استقبال میں سرگرم ہو جائیں گے۔ پرانے سال سے جان چھڑا نے پر یوں خوش ہوتے ہیں جیسے کہ پرانے کپڑے اتار کر نیا جوڑا مل گیا ہو پہننے کے لئے۔ جبکہ ہردن ہی نئی کہانی لے کر آتا ہے۔ پرانے روز سے بالکل مختلف ۔ ہر نئی صبح نئے رنگ لئے طلوع ہوتی ہے

اس وقت صبح کے گیارہ بج رہے ہیں ۔ میں " لیک انٹاریو" کے کنارے کھڑی ہو ں ۔ پانی سورج کی کرنوں کے نیچے سونے چاندی کی طرح جگمگ کر رہا ہے۔ قدرت بھی کیا کیا رنگ بکھیر تی ہے۔ ہر گھڑی نئ سینری۔ 

رنگ برنگے خود رو پھول فضا میں عجب رنگ بکھیر رہے ہیں۔ پتہ جھڑ کا زمانہ شروع ہو چکا ہے زرد پتے دھوپ میں سونے کے موافق بکھرے ہوئے ہیں۔

ہر موسم کا اپنا رنگ ہے اپنا انداز۔ فرش پر ہر رنگ کے پتے بکھرے ہوئے ہیں۔ سرخ ۔ نارنجی۔ زرد۔ تانبے اور کافی کے رنگ کے۔ چلتے ہوئے ڈر رہی ہوں پاوں تلے دب ہی نہ جا ئں یہ قدرت کے شاہکار۔

یہ سب کچھ دنوں کی بہار ہے پھر سینری  بدل جائے گی۔ نیا منظر ہو گا۔ نئی رت۔ دسمبر میں ہر طرف برف بکھری ہو گی۔ یوں لگے گا۔ قدرت نے سفید بورڈ آ سمان سے اتار کر زمین پر بچھا دیا ہے کہ جو چاہے لکھو۔ ہمارے قدموں کے نشان اس پر منجمد ہو جائیں گے۔ طرح طرح کے نقش و نگار بنا یں گے ۔

خدا جانے ہمیں نئے سال کا انتظار اتنی شدت سے کیوں ہو تا ہے۔ ہر دن بالکل نیا۔ ہر لمحہ دوسرے سے مختلف ۔ ہر روز ہی نئی کہانی نئ دنیا لے کر آتا ہے۔ 

ہر صبح ہمیں اللہ تعالٰی کی طرف سے چوبیس گھنٹے کسی تحفے کی مانند ملتے ہیں۔ جو چاہے کریں جیسے چاہے استعمال کریں۔ کوئی پوچھ گچھ نہیں پھر کل کا انتظار کیسا۔ چلیں آج کو ہنس کھیل کر گزاریں۔ کل کس نے دیکھی ہے۔

زندگی آیک کھلی کتاب کی مانند ہے جس کے سارے صفحے سادے ہیں ہم انجانے میں اس پر اپنی ہر روز کی داستان قلمبند کرتے رہتے ہیں ۔

 یہ ہمارے اوپر ہے کہ اپنی زندگی کی کتاب کو کیا رنگ دیتے ہیں ۔

روز مرہ کے اونچے نیچے مسائلِ میں الجھ کر زندگی کو ہی الجھا کر رکھ دیتے ہیں اور اپنی زندگی کی کتاب کو ایک غم بھری داستان بنا کر رکھ دیتے ہیں یا پھر ہنسنے ہنسنے زندگی کا سفر طے کرتے چلے جاتے ہیں ۔

زندگی نہ تو پھولوں کی سیج ہے نہ ہی کانٹوں کا بستر ۔ زندگی کے سفر میں سب کچھ ملا جلا ہے۔ کانٹوں سے دامنِ بچاتے ہوئے چلتے جانا ہے ۔  

مسکراہٹیں بکھیرتے جائیں یہ قوس قزح کی مانند ہو تی ہیں آس پاس سب روشن لگنے لگتا ہے۔ چار سو اجالا کر دیتی ہیں ۔ 

خوشیاں بانٹنے سے خوشیاں زیادہ ہوتی ہیں کم نہیں ہو تیں ۔ یقین کر یں اور اداس رہنا تو ایک مرض کی مانند ہے وبائی مرض اس سے تو جتنا ہو سکے بچتے رہنا چاہیے۔ زندگی کا سارا رس نچوڑ کر اسے بے رنگ کر کے رکھ دیتا ہے۔

 مسکرانے کے لئے ذرا سی ہمتِ کر نی ہو تی ہے پھر زندگی سے لڑنے کی عادت سی ہو جاتی ہے ۔ زندگی کے سفر کی اونچ نیچ ہمارے اوپر سے گزر جاتی ہے ۔ خوش رہیں مسکراتے رہیں ۔ شاد رہیں ۔ زندگی حسین لگنے لگے گی ۔

Comments

Post a Comment

Popular posts from this blog

لیڈییز کمپارٹمنٹ

Image
مئی کا آ خر آ خر ہے اور سردی ابھی تک نہیں گئ ۔ کینیڈا کی سردیاں لمبی ہوتی ہیں پر اس سال تو کچھ زیادہ ہی لمبی ہو گئیں ۔ ختم ہو نے کا نام ہی نہیں لے رہیں ۔ صبح سے بارش ہو رہی ہے اس کی وجہ سے موسم مزید ٹھنڈا ہو گیا ہے۔ دو روز پہلے ہلکی سی جیکٹ پہن کر واک کے لئے نکلے تھے ۔ آ ج تو لمبا والا کوٹ لینا پڑا اس کے نیچے سوئٹر اوپر سے اونی مفلر گلویز ۔ باہر نکلنے کا ارادہ کرو تو سب کچھ پہننے میں دس پندرہ منٹ لگ جاتے ہیں۔ پھر چائے پینے کافی ہاؤس جائیں تو سویٹر کوٹ وغیرہ اتارنے میں پانچ دس منٹ رکھ لو پھر کہیں جا کر کہانی شروع ہو تی ہے ۔  یہاں ہر جگہ ہیٹنگ ہوتی ہے یہ بھی ایک بڑی نعمت ہے ۔ جا کر ہلکے پھلکے ہو جاتے ہیں چائے کافی پینے سے پہلے ۔  کافی ہاؤس تک کا سفر بھی بہت حسین بڑا خوبصورت ۔ جگہ جگہ رنگ برنگے خود رو پھول اپنی بہار دکھلا رہے ہیں ۔ درختوں نے ابھی پوری طرح جان نہیں پکڑی ۔ ٹھنڈ کی وجہ سے سبزہ پوری طرح نظر نہیں آ رہا ۔ پھر بھی گھروں کے باہر گرائونڈ میں گھاس سر سبز و شاداب نظر آ رہی ہے ۔ چڑیوں کی چہچہاہٹ سے یوں لگ رہا ہے جیسے کہ فضا میں جلترنگ بکھر گئ ہو ۔ قدرت بھی کیسے کیسے دلفریب م...
Read more

نیل گگن کے تلے

Image
    نہ یہ کینیڈا ہے نہ ٹورنٹو اور نہ ہی ٹم ہارٹن کا کافی ہاؤس۔ یہ ہے لندن انگلینڈ ۔ نیا شہر نیا ملک نیا کا فی ہاؤس ۔ پر ہم ہیں وہی پرانے والے ۔ میرے خیال سے ہمارے نئے پرانے ہو نے سے کوئی فرق نہیں پڑتا ۔ دن تو نیا ہے ۔ صبح نئی اور چمکیلی ہے  اور دل میں نیا دن انجوائے کر نے کی لگن ۔ زندگی ہنس کر گزار نے کے لئے یہی بہت ہے    ہم کینیڈا سے سمندر پار کر کے نارتھ امریکہ چھوڑ کر براعظم یورپ میں داخل ہو چکے ہیں اس وقت انگلینڈ کے دارلخلافہ لندن کے ایک کافی ہاؤس میں بیٹھے کافی سے لطف اندوز ہو رہے ہیں  پلیز یہ مت کہئے گا کہ اس عمر میں کیا کیا شوق پال رکھتے ہیں ۔ بوڑھی گھوڑی اور لا ل لگام ۔ بھئ ہم تو زندگی ہنس کھیل کر گزار نے پر یقین رکھتے ہیں اب آ پ جو بھی کہیں ۔  ہاں تو ہم کہ رہے تھے کہ ہم کافی سے لطف اندوز ہو رہے ہیں ۔ کافی بھی کیا ہے بس کافی کے نام پر دھبہ ۔ ہم کافی کے بلکل بھی شوقین نہیں یہ تو بس وقت گزاری کے لئے ایک بہانہ ہے ۔ ذرا سی کافی میں۔ بہت سارا گرم پانی اور کریم ملا کر سامنے رکھ کر ذرا ذرا سی چسکیاں لیتے رہتے ہیں گھنٹے دو گھنٹے بڑے آ رام سے گزر جاتے ہ...
Read more

مکھڑے پہ سہرا ڈالے

Image
    ہم بھی جب کچھ کرنے کو نہیں ہو تا تو جھٹ کمپیوٹر کھول کر   بیٹھ جاتے ہیں اور پھر یو ٹیوب ژندہ باد ۔ کچھ نہ کچھ دیکھنے سننے کو مل ہی جاتا ہے ۔ اب اس وقت خدا جانے کیسے یہ بھولا بسرا گیت ہاتھ لگ گیا ۔ یقین جانیں اس میں ہمارا کوئی عمل دخل نہیں ۔ ہم تو بس انگلیاں گھمارہے ہوتے ہیں اور کوئی نہ کوئی پرانا گیت ٹکرا جاتا ہے پھر کون کمبخت ہوگا جس کا سننے کو جی نہ کرے   تو جناب اس وقت ہاتھ لگ گیا یہ گیت اور ہم  ماضی کے جھروکوں میں جھانکنا شروع ہو گئے ۔  ایک تو یہ ماضی نظروں سے اوجھل ہوتا ہی کب ہے۔  ذرا دیر کو نظروں سے اوجھل ہو بھی جائے تو کہیں آ س پاس ہی دبک کے بیٹھا ہوتا ہے اور ہم کچھہ دیر کو سکون کی سانس لے لیتے ہیں کہ چلو جان چھوٹی پر ماضی سے کس کی جان چھوٹی ہے یہ کب جان چھوڑ نے والا ہے ۔ وہ تو زندگی کے ساتھ ساتھ رہتا ہے قدم سے قدم ملا کر ۔  ذرا نظر چوکی اور سامنے آ کھڑا ہو آ  ۔ حلق کا داروغہ بن کر ۔ حلق کا داروغہ ہی کہنے کو جی کرتا ہے اسے ۔ جب سامنے آ کھڑا ہوتا ہے تو اپنا آ پ بھی بھول بھال جاتے ہیں اور لگتے ہیں ماضی کی راکھ کریدن...
Read more